Jasir Asani do të jetë mungesa e madhe e Partizanit në finalen e radhës për titullin kampion teksa të kuqtë do të përballen kundër Vllaznisë. Kryeqytetasve u duhet të përsërisin suksesin me Teutën për t’u afruar më tepër me titullin kampion. Ndryshe nga përballja me durrsakët, Asani që krijoi volumin e madh të lojës është i penalizuar për shkakun e kartonëve.
Megjithatë ylli i Partizanit e ka motivuar skuadrën përpara Vllaznisë dhe njëkohësisht kërkon falje për mungesën: “E fituam një finale, por janë edhe dy. Më vjen shumë keq që nuk do të luajë kundër Vllaznisë për shkakun e kartonëve. Jam i bindur se te Partizani ka shumë luftëtarë që do të japin më të mirën për ëndrrën e madhe”, shkruan Asani. /Sport Ekspres/
