Interi luan ndeshjen e radhës në kampionat kundër Veronës. Mbrëmjen e nesërme zikaltrit presin verdheblutë në “Giuesepe Meazza“ dhe në media ka nisur të qarkullojë edhe formacioni i mundshëm i Simone Inzagit. Në 11-shen e publikuar nga “Sky Sports“ ka vend për Gagliardin-in, por jo për Kristjan Asllanin.
Tingëllon si një shaka e italianëve, duke pasur parasysh se çfarë ndeshjeje zhvilloi mesfushori shqiptar në ndeshjen e fundit kundër Parmës në Kupën e Italisë. Asllani u përzgjodh me të drejtë nga tifozët si më i miri i sfidës, por duket se në të njëjtin mendim me ta nuk është Inzaghi. Besimi nga trajneri qartësisht mungon./Halit Delibashi-Sport Ekspres/