Ditën e sotme do të luhen ndeshjet e fundit në Uefa Champions League. Sfida më e rëndësishme është Milan- Salzburg e cila do të jetë një përballje direkte për kalimin e fazës së grupeve. Kuqezinjve u mjafton vetëm 1 pikë për të kaluar më tej, ndërsa austriakët duhet të fitojnë me patjetër.
Vëmendje për tifozët shqiptarë do të mari pikërisht ndeshja Chelsea- Dinamo Zagreb, pasi Armando Broja do të luajë nga minuta e parë. Një sfidë e bukur do të jetë dhe ndeshja PSG-Juventus, përshkak të historisë së te dyja skuadrave.
Të dyja ekipet luajnë për qëllime të ndryshme, teksa parizienët duan të mbrojnë vendin e parë në grup, ndërsa Juventusi të sigurojë një vend në Europa League. /Elio Hajdari-Sport Ekspres/