Idris Ilunga Mbombo është futbollisti i fundit që është bashkuar me Laçin, që në këtë mënyrë ka kompletuar skuadrën për sezonin e ri. Në fakt, sulmuesi nga Republika Demokratike e Kongos ishte regjistruar nga Laçi që në fund të gushtit, por natyrisht pritej mbërritja e tij, për ta konsideruar operacionin të përfunduar.
Sot 21-vjeçari ka nisur stërvitjen me Laçin dhe bëhet një përforcim serioz në një sulm që këtë verë është ndryshuar totalisht, sepse ka ardhur edhe Rexhinaldo.
Në korrik Mbombo kaloi nga kampionati i Zambias te Al Shabab në Arabinë Saudite për 225 mijë euro, por tani vjen në Shqipëri në huazim 1-vjeçar.
