Marash Kumbulla nuk ka qenë në mbrëmjen e tij. Mbrojtësi i Kombëtares shqiptare kreu një gabim të rëndë në kontrollin e topit në minutën e 26, duke i dhënë mundësinë kundërshtarit të depërtojë lehtësësht deri në zonë, nga fiton penalltinë që solli golin e parë. “Tuttomercatoweb“-i e ka vlerësuar me notën 4.5 (më e dobëta e dhënë) lojtarin shqiptar, që sigurisht këtë mbrëmje mban një peshë të përgjegjësisë për eliminimin e Romës nga Kremoneze.
“Është thjesht i ngathët kontrolli që i hap rrugën Desersit për t’u nisur, duke marrë (dhe më pas transformuar) penalltinë e epërsisë. Nuk është në mbrëmje dhe duket”, ka shkruar “Tuttomercatoweb”-i në vlerësimin e dhënë për Marash Kumbullën./Halit Delibashi-Sport Ekspres/