Trajneri i Rumanisë U-21, Daniel Pancu, ka folur rreth transferimeve të reja në kampionatin rumun. Më konkretisht për afrimin e Florent Hasanit te Rapidi, ndërsa më herët ishte pjesë e Tiranës. Pancu mendon se goditja me Albion Rrahmanin ka bërë që ekipet rumune të dëshirojnë më tepër lojtarët shqiptarë.
“Kur një lojtar si Rrahmani të jep rendimentin, normalisht shikon në atë zonë. Mbaj mend Petroluliun me Hamza Younes. Ai pati një rendiment shumë të mirë, pastaj pasuan 7-8 transferime të tjera nga ajo zonë.
Unë kam qenë i vetmi rumun në Turqi në vitet 2002-2003. Luajta futboll fantastik, fituam kampionatin. Vitin tjetër, erdhën nëntë lojtarë rumunë. Të gjitha skuadrat në Turqi kërkonin lojtarë rumunë. Rapidi transferoi Hasanin dhe Krasniqin”, tha Pancu. /Sport Ekspres/