Marash Kumbulla po fiton më tepër besim nga Murinjo pasi trajneri portugez po e injoronte hapur edhe publikisht. Së fundmi mbrojtësi shqiptar luajti për 87 minuta kundër Genoas, në atë fitore me shifrat 0-1.
Për futbollistin e Kombëtares nuk kishte shumë punë në prapavijë, por tregohej i vëmendshëm sa herë thirrej në detyrë. Në minutat e fundit të takimit, Marashi është shtrirë në tokë dhe ka ndierë shqetësimet e freskëta të ndeshjes Angli-Shqipëri, që dukeshin se u lanë pas.
Megjithatë Kumbulla ishte gati për të sakrifikuar dhe për ta dërguar takimin deri në fund, ndërsa Murinjo zgjodhi që të aktivizonte Smalling, për të mos rrezikuar më tepër, kur sulmet e Genoas do të shtoheshin. /Sport Ekspres/