Gazetari i mirënjohur në Shqipëri për investigimet, Artan Hoxha, është njëkohësisht edhe ndjekës i madh i futbollit. Teksa në çdo televizion shqiptar po transmetohet nga një program i dedikuar për Europianin, Hoxha ka lënë komentin e tij për “Top Arenan” që transmetohet në “Top Channel”.
“Manushi thotë se është emision futboll. E çfarë të thotë vëllai? Mos ka dalë ndonjë sport i ri dhe nuk dimë gjë, se vetëm futboll nuk shoh këtu”, shkruan Hoxha. Ndërkohë më herët është lënë komenti edhe për “merkaton” e RTSH me rikthimin e Dritan Shakohoxhës: “RTSH punon me variantin e kundërt. Nuk ble këlysh dhe shet qen, por shet këlysh e blen qen”. /Sport Ekspres/
