Sulmuesi i Kosovës, Arb Manaj ka gjetur golin e parë në Kroaci me skuadrën e Slaven Belupo, në të cilën u transferua në merkaton e verës. Manaj shënoi golin e dytë për Belupo, në minutën e 29-të. Ky gol i dha një goditje kundërshtarit, i cili më pas pësoi dhe 4 gola të tjerë.
Ndeshja për Kupën e Kroacisë mes Nedelisce dhe Slaven Belupo përfundoi me rezultatin 0-6 në favor të miqëve. Slaven Belupo siguroi kualifikimin në çerekfinalet e Kupës së Kroacisë, ndërkohë që në kampionat renditet në vendin e katërt pas javës së 15-të.
Dëshira e Arb Manaj është që të nisë të startojë në sfidën Slaven Belupo- Lokomotiva e Zagreb që do të luhet të shtunën, megjithatë gjithçka varet nga zgjedhja e trajnerit. /Elio Hajdari-Sport Ekspres/