Rei Manaj ka debutuar sot me fanellën e Watford-it. Këta të fundit kanë zhvilluar një test miqësor kundër Wycombe Wanderers-it, të cilin e kanë fituar me rezultatin e thellë 4-1. Sulmuesi shqiptar e nisi takimin nga stoli, për të hyrë në fushë në minutë ne 62-të.
Manaj është bërë protagonist në minutën e 90, atëherë kur kombinon me Asprilla-n për të dhënë asistin e golit të katërt. Prova e parë duket se është përmbushur me sukses për lojtarin e Kombëtares kuqezi, që tashmë duhet të dëshmojë vlerat edhe në sfidat e radhës në mënyrë që të zërë një vend titullari në Championship./Halit Delibashi-Sport Ekspres/