Esat Mala foli pas ndeshjes së kombëtares sonë të 21-vjeçarëve ndaj Spanjës. Lojtari i Partizanit bëri debutimin me fanellën kuqezi në minutën e 67-të të sfidës.
NDESHJA – “Mendoj se ishte një ndeshje e përgatitur mirë, por ishim të pafat pasi u ndëshkuam në minuta e fundit, uroj që të na ndihmojë për të ardhmen, të shohim gabimet dhe të përmirësohemi për të ardhmen”.
SYNIMET – “Duhej të njihesha me Superioren në vitin e parë, ndërsa këtë edicion duhet të shpërblej besimin që po më japin. Kombëtarja është dëshira e çdo lojtari. Unë do jap më të mirën për vendin tim. Duhet ta marr çdo gjë me qetësi dhe të shoh përpara”.