Ndeshja më e interesante e ditës luhet sot pasdite në “Selman Stërmasi”. Partizani me moralin lart pas suksesit në derbi kërkon që të marrë fitore që do ta ngjiste të vetëm në vendin e parë, të paktë derisa në fushë të zbresë dhe Kukësi.
Ndaj Teutës është një përballje zjarri, pasi skuadra e Bledi Shkëmbit mundi që të fitonte ndaj kampionëve në fuq në takimin e fundit me rezultatin e pastër 2-0.
Pas suksesit me bardheblutë, Partizani pritet që të ketë një stadium të tejmbushur. Gega gëzon pasi edhe Kardozo është bashkuar me grupin dhe mund të jetë një “armë” më shumë për këtë ndeshje. Duket një sfidë mjaft interesante.
Kategoria Superiore – Java 7
E mërkurë, më 3 tetor, ora 16:45
Stadiumi “Selman Stërmasi”, Tiranë
Partizani: Hoxha, Ibrahimi, Belica, Atanda, Trashi, Hila, Telushi, Asani, Mala, Mensah, Bardhi. Trajner: Skënder Gega.
Teuta: Hidi, Gjorgievski, Bicaj, Osmani, Hakaj, Sidibe, Avdyli, Kallaku, Kamara, Progni, Latif. Trajner: Bledi Shkëmbi.
Gjyqtarë: Emirion Sino, Orgest Grabova, Enea Pashaj Kreshnik Cjapi.
Delegat: Alban Tafaj. Vëzhgues: Prek Pjetrushi.