Luftëtari fiton miqësoren me Apoloninë, një test tejet i rëndësishëm përpara startit të kampionatit. Bluzinjtë kaluan me rezultatin minimal 1-0 përballë fierakëve në ndeshjen e luajtur në stadiumin “Loni Papuçiu”.
Ndeshja u vendos nga goli i lojtarit të afruar nga Kukësi, Maldin Ymeraj. Ish- mesfushori i përfaqësueses Shpresa realizoi prej minutës së dytë të lojës.
Goli mbeti në fuqi deri në fundin e ndeshjes, ku trajneri Kostiç provoi skemat dhe lojtarët përpara fillimit të kampionatit. Më datë 19 gusht, Luftëtari do të debutojë në edicionin e ri të Kategorisë Superiore me ndeshjen në shtëpi përballë Kastriotit.