Suedia u mposht mbrëmjen e djeshme nga Franca me rezultatin minimal 0-1. Në formacionin e vikingëve nuk kishte vend për talentin e Juventusit, Kulusevski. Edhe pse shkëlqeu në Serie A sezonin që lamë pas, trajneri Janne Andersson ka vendosur ta lërë në stol. Kjo ka sjellë edhe reagimin e sulmuesit të njohur, Zllatan Ibrahimoviç, i cili nuk ka nguruar aspak të sulmojë kreun e pankinës suedeze. Madje e shkuara nuk ka qenë e mirë mes tyre.
“Çfarë shaka e keqe. Një tjetër provë. Persona të paaftë në pozicione të gabuara që mbysin futbollin suedez“, shkruan 38-vjeçari që mbron fanellën e Milanit. Një shuplakë kjo e dhënë nga Ibrahimoviç, që duket se beson te aftësitë e talentit Kulusevski./Halit Delibashi-Sport Ekspres/