Sadio Mane është rikthyer sonte në skuadrën e Bayern. Senegalezi luajti 30 minuta në barazimin mes Bayernit dhe Manchester City në çerekfinale të Champions League dhe arriti të fitojë një penallti të cilën Joshua Kimmich e shndërroi në gol.
Është sigurisht interesante që Mane hyri në lojë në vend të Leroy Sane. Ishte minuta e 63-të e ndeshjes kur trajneri i Bayernit, Thomas Tuchel, vendosi të bënte këtë zëvendësim dhe e gjithë bota e futbollit mund t’i shihte këta dy futbollistë me shumë kureshtje.
Sane dhe Mane tashmë janë treguar si profesionistë të vërtetë. Ata përshëndetën njëri-tjetrin gjatë ndërrimit pavarësisht se në javën e kaluar Mane goditi Sanen në dhomën e zhveshjes, me skandalin që ishte kryefjala e mediave botërore. /Sport Ekspres/