Vllaznia arriti që të mbyllte me sukses misionin e pamundur në Europë duke eliminuar Siroki Brijeg pas humbjes së parë në shifrat 3-1. Në këtë duel shkodranët kishin kundër edhe arbitrin, që favorizoi ndjeshëm rivalët dhe ndikon në rezultat. Por fatmirësisht haku ka shkuar tek i zoti dhe Vllaznia arriti të kalonte në turin e dytë të “Conference League” duke fituar 3-0.
E vetmja gjë negative nga ndeshja e fundit ishte sjellja e disa tifozëve që mbylli ndeshjen për pak minuta. Nisur nga ky veprim, Alban Xhaferi “u ka tërhequr veshin” të pabindurve duke thënë se veprime të tilla janë shkatërruese për projektin e ri të Vllaznisë. Nga ana tjetër nuk mungojnë lëvdatat për lojtarët me suksesin e arritur, që kanë gëzuar qytetin pas shumë vitesh. /Sport Ekspres/
