Azdren Llullakuu mendua gjatë, por më në fund vendosi ta vazhdojë karrierën në Kazakistan, me Ordabasin. Kishte oferta nga disa kampionate më cilësore, por askund nuk i ofruan sa klubi kazak dhe nëse mendohet që Llullaku mbush 30 vjeç pas një jave, zgjedhja e tij është logjike.
Dje Llullaku debutoi me Ordabasin, në miqësoren kundër çekëve të Sllovackos, duke qenë në fushë për thuajse një orë lojë.
Pikërisht sulmuesi shqiptar gjeti golin e parë të ndeshjes, në minutat e para të takimit, shenjë se nuk e ka humbur nuhatjen dhe se është në formë, ndoshta edhe për miqësoren e kombëtares në mars.
