Aventurës së Xherdan Shaqirit te Liverpool duket se po i vjen fundi. Megjithëse është një nga lojtarët e preferuar të trajnerit Klopp, për sulmuesin hapësirat janë të kufizuara. Interesimet e fundit për Shaqirin erdhën nga Roma e Sevillia, po harruar edhe zërat e një rikthimi tek Interi. Në merkaton e verës Klopp dha “urdhër” që Shaqiri ët mos prekej por duket se gjermani mund të lëshojë pe për të shfrytëzuar shitjen e shqiptarit për një afrim “big”.
Kështu të kuqtë nuk e lëshojnë Shaqirin pa 25 milion paund. Një shifër e majme duke parë që disa skuadra janë të rënduara ekonomikisht. Roma duket skuadra më e interesuar deri tani për shërbimet e 28 vjeçarin, duke tentuar të bëjnë një dyshe edhe me Adnan Januzaj nga Real Sociedat. Tentativat mbetën të hapura deri në fund të janarit për marrëveshjet e parashikuara por ende nuk ka zyrtarizime konkrete. Nga ana tjetër Liverpool kërkon të përfitojnë nga shitja e Shaqirit për të siguruar para që do të shërbejnë për marrjen e kartonit të Timo Werner nga Leipzig./Sport Ekspres/