Vetëm pak minuta më parë ka nisur edhe Asambleja e Përgjitshme Zgjedhore. Në ditën e sotme do të njohim edhe presidentin e ri të FSHF. Në fjalën përshëndetëse, Zboniek ka qenë i mahnitur me ndryshimin në futbollin shqiptar, teksa ka ardhur për të përfaqësuar UEFA-n.
10:25, nisin zyrtarisht zgjedhjet për presidentin e ri të FSHF. Ftohet përfaqësuesit e klubeve që të votojnë emrin e tyre që e duan si president të FSHF për vitet e ardhshme.
10:15, Armand Duka: “Kërkoj mbështetjen tuaj sërish për të vazhduar me këtë punë tonën. Askush nuk e kishte menduar as në ëndrrën më të bukur se Shqipëria do të shkonte në Europian. Askush nuk e kishte menduar as në ëndrrën më të bukur se Tirana dhe Partizani do të luanin në një stadium si Air Albania. Kam dëgjuar se argumenti i vetëm kundër nesh është se kemi shumë kohë në drejtim. Asgjë tjetër, pasi nuk mund të kapen me argument tjetër. Por trajnerët e dinë fare mirë se grupi fitues nuk preket kurrë”.
10:10, Boniek: “Doja të përcillja përshëndetjet e Ceferin dhe UEFA. Marrëdhëniet tona janë shumë të mira, po shohim sesi po rriteni çdo ditë si Federatë dhe përfaqësuesi juaj, Duka, bën pjesën në UEFA. Është hera e dytë që vi në Shqipëri, herën e parë kam ardhur në 1985 si lojtar, kam pasur mundësinë të luaj me Kombëtaren tonë. Nëse dikush nuk e mban mend rezultatin, duhet të pyesni. Jam i mahnitur me ndryshimin, stadium i mahnitshëm dhe selia ishte shumë e bukur. Kam bërë tifo për Shqipërinë në Europianin e Francës”