Në ditën e sotme është hedhur edhe shorti sa i përket fazës së grupeve në “Champions League”. E gjithë vëmendja ishte për të njohur mënyrën sesi do të ndaheshin klubet në kompeticionin më të rëndësishëm në Europë. Këtë herë shorti ka vendosur përballje ferri për vetë ekipet dhe spektakolare për tifozët, që do të shohin ndeshje të kalibrit të lartë që në fazën e grupeve.
Manchester City do të masë forcat për kreun e grupit me PSG, ndërsa Bayern Munchen sheh Barcelonën. Interit i është përsëritur i njëjti short si në sezonin e kaluar, pasi ka Realin e Madridit dhe Shakhtar në grup. Ndërkohë fati i ka buzëqeshur Berat Gjimshitit që do të luajë kundër Vijareal dhe Manchester United. /Sport Ekspres/