Nëse lojtarët shqiptarë duhet të punojnë pafundësisht dhe të nxjerrin gjithçka nga repertori i tyre për të marrë një mundësi për të qenë pjesë e Serisë A, me një ekip mesatar, Rei Manaj ishte i “lindur me këmishë”.
Në moshë fare të vogël dhe do të debutonte në elitën e futbollit italian me ekipin e parë të Interit, kur drejtohet nga Mancini. Golat e shënuara me të rinjtë e zikaltërve dhe shkëlqimi me ta, bëri që Manajt t’i dilte situata nga kontrolli.
Një gabim në konceptim dhe mendjemadhësia e dëmtuan jo pak karrierën e tij. Në një intervistë të fundit për “Gazzetta dello Sport”, mes të tjerash, Manaj e pranon: “Kur isha 18-vjeç mendoja se isha Maradona dhe tani nuk dua që të humb më kohë. I kam kuptuar vonë këto gabime”, tha Manaj. /Sport Ekspres/