Manchester United ende nuk ka hequr dorë nga Frenkie de Jong edhe pse Barcelona nuk po dorëzohet kur bëhet fjalë për çmimin. Klubi katalanas kërkon që Djajtë e Kuq të paguajnë 80 milionë euro menjëherë për holandezin dhe disa bonuse nëse De Jong është standard në skuadër. Por te United, po përpiqen të ulin çmimin. Pak ditë më parë dolën informacione se Barcelona do të ishte e interesuar për United duke përfshirë edhe një nga lojtarët e tyre në këtë transfertë, por shumë u habitën kur u shfaq emri i Harry Maguire.
Maguire pati një sezon si nga filmat horr.or dhe u bë objektivi i talljeve të publikut anglez për gabimet e tij të pabesueshme që bëri në ndeshjet e Manchester United. Dyshohet se Barcelona ka kërkuar nga United që të përfshijë Maguire në këtë transferim dhe të paguajë 40 milionë euro të tjera për De Jong, por siç shkruan Sky Sports, asgjë nuk do të ndodhë. Sky Sports njoftoi këtë mëngjes se Manchester United ka refuzuar të lirojë Maguire dhe se ai nuk është në shitje edhe pse tifozët shpresojnë të largohen nga Old Trafford këtë verë. /Elio Hajdari-Sport Ekspres/