Leksioni maqedonas, stadium për kombëtaren me një muaj punë

0

Strumica ka një stadium normal, të dorës së dytë, por duam a po s’duam ne, Maqedoni-Shqipëri do të luhet aty. Pak rëndësi ka a na çojnë qëllimisht aty, apo kanë frikë nga trazirat, është një debat që nuk na çon gjëkundi, pasi sado të çirremi e të bërtasim, FIFA dhe UEFA e kanë vendosur: stadiumi në Strumica është OK, si për kombëtaren, ashtu edhe për disa ture kualifikuese në Europë.

Image may contain: sky and outdoor

Një muaj punë, pak a shumë, dy tribuna të ndërtuara pas portave, disa masa sigurie më shumë, ndonjë punim në ambientet e brendshme dhe… ja, Maqedonia ka një stadium tjetër cilësor, përveç atij madhështor në Shkup, që priti Superkupën e Europës mes Realit e Mançester Junajtid.

Image may contain: outdoor

Ndërkaq, ne mburremi që shkojmë në Europian, mburremi që prej disa vitesh po shkëlqejmë me klubet tona në Europë, por Kukësi ka një stadium skandaloz, që UEFA as që e merr në konsideratë për ndonjë ndeshje në kupat e Europës, ndërsa Skënderbeu luan deri në turin e dytë në Europë dhe më pas detyrohet të shpërngulet në Elbasan.

Kaq shumë punë e shpenzime u dashkan për të bërë një Strumicë edhe në Shqipëri? Korça e Kukësi nuk e meritojnë t’i shohin ekipet e tyre qindra kilometra larg. Tirana e Partizani nuk e meritojnë të luajnë në 40 gradë në kupat e Europës, për shkak se “Selman Stërmasi” nuk ka ndriçim në parametrat e duhur. Dhe pastaj ankohemi nga Maqedonia!

You might also like
Leave A Reply

Your email address will not be published.