Largohu! Tifozët buçasin në stadiumin e Katarit, duan të heqin legjendën e Barcelonës

Një moment shumë të vështirë është duke kaluar Xavi si trajner në Katar. Ekipi i tij, Al Sadd humbi edhe ndaj Katar SC me rezultatin 0-3. Kjo nuk ishte hera e parë që provohet shija e hidhur e një dështimi, pasi është pësuar humbja e 5 në 7 ndeshjet e fundit.

I gjithë stadiumi ka nisur të dalë kundër legjendës së Barcelonës duke thirrur në kor emrin e tij: “Largohu nga këtu”. Një shije aspak e mirë për 39-vjeçarin që ka nisur eksperiencën e re të trajnerit dhe kërkon që ta kalojë pas krahëve sa më shpejt këtë situatë, megjithëse nervozizmi duket shumë i madh. /Sport Ekspres/