Lajme të mira vijnë për Kombëtaren shqiptare. Mungesat në fushën e lojës nuk do të jenë vetëm ato të kuqezinjve. Hungaria do të zbresë në “Elbasan Arena“ pa kapitenin e saj. Adam Szalai ka rezultuar pozitiv me Koronavirus dhe i duhet të ndjekë karantinën për 14 ditë.
Në këto kushte, sulmuesi që luan me Mainz 05 do mungojë në dy sfidat e radhës së Kombëtares së tij, atë të nesërme kundër Shqipërisë dhe në takimin kundër Andorrës. Lajmin e bën të ditur vetë faqja zyrtare e Federatës Hungareze të Futbollit./Halit Delibashi-Sport Ekspres/