Një lajm i keq vjen për Kombëtaren shqiptare në një kohë kur vetëm pak javë na ndajnë nga ndeshjet e muajit tetor. Keidi Bare nuk ka mundur të përfundojë 90 minutat e lojës mbrëmjen e sotme. Espanjoli ishte duke u përballur me Alaveshin, kur mesfushori shqiptar ndjen shqetësime dhe bën me shenjë për tu zëvendësuar në minutën e 73-të.
Stafi mjekësor i ka shkuar menjëherë pranë, ndërsa më pas i vendosin edhe kompresa me akull në kofshën e tij të djathtë. Mbetet për tu parë nëse ky shqetësim duhet marrë seriozisht apo ishte diçka që do të kalojë shpejt./Halit Delibashi-Sport Ekspres/