Një humbje e madhe është ajo e Shqipërisë para ndeshjes me Poloninë. Kuqezinjtë do ta nisin aventurën e tyre në këtë transfertë në kualifikueset e Europianit. Por Silvinjo do të duhet që të bëjë edhe pa shtyllën e mbrojtjes, Berat Gjimshiti.
Ky i fundit kishte një kontraktim muskulor në dukje në ndeshjen e fundit të Atalantës, atje ku u largua para mbarimit të pjesës së parë. Megjithatë pas ekzaminimeve mjekësore rezultoi se Gjimshiti do të qëndrojë larg fushës së blertë për të paktën 2 javë. Kjo do të thotë se mbrojtësi humbet ndeshjen e Shqipërisë dhe dyshja e mbrojtjes do t’i besohet dyshes Ismajli-Kumbulla. /Sport Ekspres/