Pak minuta më parë është hedhur shorti i Conference League sa i përket turit të tretë. Partizani dhe Tiranë kanë njohur rivalët e tyre, nëse do të kalojnë me sukses kundërshtarët e turit të dytë. Partizani e ka punën mjaft të lehtë pasi do të përballet me Athletic D’Escaldes, por të njëjtin fat nuk e ka Tirana.
Bardheblutë do të ndeshen me Beshiktashin dhe në letër, kalimi i turit duket mision i pamundur. Megjithatë futbolli nuk është shkencë ekzakte dhe surprizat kanë ndodhur në jo pak raste. Fillimisht ishte Partizani që njohu rivalin në turin e tretë të Conference League. Fati i madh për të kuqtë që në turin e tretë e pret fituesi i çiftit Tre Penne-Valmeira. Një tjetër rival shumë i kalueshëm në letër me të kuqtë që do të ishin vetëm një hap larg grupeve të Conference League, faza e Play Off e ndalon./Sport Ekspres/
