Kosova ka shkarkuar trajnerin Alain Giresse. Ky i fundit ka marrë rezultate të dobëta dhe e nxori Kosovën nga rruga e kualifikimit në Europian. Pas një mbledhje të bërë, u vendos që rrugët me Giresse të ndaheshin pas humbjes së fundit me Bjellorusinë.
“Federata e Futbollit e Kosovës njofton opinionin që me marrëveshje të dyanshme me përzgjedhësin, Alain Giresse është vendosur për ndërprerjen e bashkëpunimit. Deri të ky vendim, vjen pas humbjes në ndeshjen e fundit kundër Bjellorusisë (1:2).
Federata e Futbollit e Kosovës e falënderon trajnerin Giresse për angazhimin dhe punën e tij gjatë periudhës sa ishte në krye të Kombëtares së Kosovës. Në të ardhmen priten reforma të mëtejshme në ekipin kombëtar”, shkruhet në njoftim. /Sport Ekspres/