E ardhmja e Hysajt ka ardhur sërish në vëmendje në Itali. Mbrojtësi shqiptar duket se është lodhur nga stoli dhe dëshiron largimin nga Napoli, megjithëse me Gatuzon situata paraqitet ndryshe. Trajneri italian ka nisur t’i japë sërish hapësira në fushën e lojës dhe klubi kërkon t’i ofrojë rinovimin Hysajt. Një gjë të tillë e konfirmon edhe vetë menaxheri i shkodranit, Xhufredi, i cili ka folur për “Radio Punto Nuovo“ mbi këtë temë.
Sipas tij vendimi është i gjithë në dorën e Hysajt, ndërsa i kthehet edhe të shkaurës së kapitenit të Kombëtares së Shqipërisë. Në epokën e Sarrit ishte një nga mbrojtësit më të mirë dhe madje edhe Bajerni i Mynihut kishte bërë ofertë për shërbimet e tij, por ishte Ançeloti ai që i hapi telashe me vendimin e tij për ta lënë në stol futbollistin shqiptar.
“ Kur Hysaj arriti në Napoli, ai po fitonte 500 mijë euro, por nuk ishte kontrata ime. Gjatë kampionatit unë e mora përsipër dhe presidenti sillej si një zotëri i madh, duke i bërë atij një kontratë të re dhe duke njohur vlerën e tij. Kishte oferta nga Bajern Mynih për Hysajn dhe nuk duhet të harrojmë se ai ishte një nga më të mirët në Itali me Sarrin, përveç periudhës së Ancelotti, ai u bë i njëjti Hysaj i Sarri me Gattuso. Gattuso dhe De Laurentiis duan ta mbajnë atë, kemi biseduar për rinovimin, por nuk është çështje parash. Është ai që duhet të vendosë nëse do të qëndrojë apo jo. Ai është duke paguar çmimin e vitit e gjysmë me Ancelotti“, ka deklaruar Xhufredi për Hysajn./Halit Delibashi-Sport Ekspres/