Kukësi vijon “konkursin”, takim me ish-trajnerin e Maqedonisë U-19

0

Largimi i Mlladen Milinkoviçit ka kapur në befasi Kukësin, sepse nuk shpjegohet ndryshe hezitimi për të emëruar trajner të ri dhe për më tepër takimet pa fund me trajnerët që shihen si kandidatë për stolin e kampionëve në fuqi.

Ditët e fundit presidenti Safet Gjici la shqyrtuar shumë emra dhe duket se ende po pret, sepse takimet vazhdojnë.

Sport Ekspres mëson se sot menaxheri Naim Halili është takuar me Mensur Jakupin, trajner shqiptar nga Maqedonia, i cili ka drejtuar Gostivarin dhe Maqedoninë U-19 në të shkuarën.

Takimi është bërë për t’u njohur nga afër dhe për të mësuar objektivat, synimet dhe pretendimet e trajnerit, që kërkon të nisë një aventurë të rëndësishme në Shqipëri.

You might also like
Leave A Reply

Your email address will not be published.