Kukësi nuk po bind me rezultate dhe lojë. Përballja e fundit ndaj Vllaznisë, më shumë sesa 1 pikë e fituar, solli besimin e humbur për mënyrën sesi u paraqit skuadra në fushën e lojës. Pikërisht për të ndryshuar situatën mendon presidenti i nderit.
Safet Gjici ka zbritur në terren duke u munduar që të motivojë futbollistët para ndeshjes së ardhshme me Dinamon. Një takim që do të jetë më shumë sesa i vështirë pasi kryeqytetasit morën fitoren e parë nën drejtimin e Devollit dhe kurrsesi nuk presin që të ndalen këtu. /Sport Ekspres/