Moment shumë delikat te Kukësi, por asnjë revolucion. Humbja e sotme ndaj Partizanit tronditi rëndë pozitat e trajnerit Mlladen Milinkoviç, i cili ishte i gatshëm të largohej, por duket se Safet Gjici e ka seriozisht, kur këmbëngul se trajneri ikën i fundit.
Pas një takimi urgjent sot në mbrëmje, presidenti ka konfirmuar trajnerin serb, i cili do të dalë nesër paradite në stërvitje, raporton Supersport.
Ndërkaq, nesër skuadra do të paraqitet para presidentit dhe pritet furtunë, nga gjobat deri te ndonjë përjashtim. Prej ditësh ka probleme dhe kritikat kanë qenë të shumta nga Gjici, ndaj tashmë mund të kalohet nga fjalët e veprat.