Në ditën e djeshme ishte bojkoti i stërvitjes nga ana e Kukësit që mori vëmendjen kryesore nga ana e mediave sportive. Ndërkohë që lojtarët priteshin të gjendeshin duke u stërvitur te kompleksi, atje ishin vetëm disa të rinjë me ndihmësit e Shehit. Ky ishte raportimi i ardhur nga “Tv Klan”, por që është hedhur poshtë nga Kukësi.
Si arsye për bojkot u thanë pagat e pamarra nga ana e lojtarëve që në muajin shkurt, duke na risjellë në vëmendje situatën e Vllaznisë. Por drejtuesit e verilindorëve janë shprehur se ditën e djeshme ishte programuar vetëm stërvitja në palestër dhe gjithçka do vazhdojë në normalitet. /Sport Ekspres/