Kukësi do të përballet kundër Wolfsburgut në sfidën e turit të dytë në “Europa League”. Për shumëkënd ky është një mision i pamundur që verilindorët të kualifikohen më tej, por Safet Gjici ka sigurinë se do të luhet edhe për ato shanse që ekzistojnë pasi në fushë do të jenë 11 kundër 11 lojtarëve.
Një ekip i Bundesligës që do të masë forcat kundër një skuadre të Superiores dhe vëmëndja është e gjitha te kjo përballje. Vetë faqja zyrtare e Kukësit ka zbuluar edhe kanalin sportiv se ku do të transmetohet kjo ndeshje. Ndryshe nga takimi i fundit që u dha falas në RTSH, këtë herë do të keni mundësinë që ta ndiqni Kukësin në “Supersport 1”. /Sport Ekspres/