Një tjetër fitore për Çezenën dhe një tjetër mbrëmje ku Kristjan Shpendi rrëmben vëmendjen në fushën e lojës. Sulmuesi shqiptar është i pandalshëm këtë sezon. Lojtari i Kombëtares U21 ka shënuar sot golin numër 15 në kampionat.
Çezena mposhti Riminin me shifrat 0-2 në transfertë, ku goli i dytë i takimit mban autorësinë e Shpendit. Ky i fundit e dërgoi topin në rrjetë në minutën e 41-të dhe vulosi fitoren e bardhezinjve. Nëse vazhdon me këtë ritëm, kalimi në një klub të Serisë A do të jetë mëse i mundur./Halit Delibashi-Sport Ekspres/