Armand Duka ishte në një takim të veçantë me zyrtarë të lartë të Federatave të Futbollit në vendet e tjera. Mes tyre gjendej edhe zëvendës presidenti i Federatës Gjermane të Futbollit apo edhe drejtori ekzekutiv i Dortmund. Ndërkohë së bashku me kreun e FSHF gjendej Ademi dhe Sejdini, teksa u fol për një bashkëpunim më të madh mes këtyre vendeve.
“Sot me Hans-Joachim Watzke, Zëvëndës Presidentin e Federatës Gjermane të Futbollit dhe Drejtorin Ekzekutiv të Borusia Dortmund, një nga figurat më të mëdha të menaxhimit në futbollin gjerman dhe atë botëror.
Sëbashku me miqtë dhe kolegët e mi, Muamet Sejdini dhe Agim Ademi, folëm për një bashkëpunim më të thelluar ndërmjet Federatave tona me futbollin gjerman, për të tërhequr ekspertizën më të mirë për futbollin në vëndet tona”, shkruan Duka. /Sport Ekspres/