Krenari/ Një shqiptar mes “thesareve” të Europës, Marash Kumbulla sheh sipër vetëm Kulusevskin

0

Marash Kumbulla vazhdon të bëjë krenar të gjithë shqiptarët. Talenti kuqezi po ecën me hapa gjigantë, teksa vetëm në sezonin e parë në Serie A të jepte përshtypjen e një veterani në fushën e lojës, duke tërhequr pas vetes emrat më të mëdhenj të Italisë dhe Europës. Në fund siguroi një kontratë me Romën, ku nuk e ka ndalur shkëlqimin dhe ka rrëmbyer vendin e titullarit, të cilin e ka shpërlyer me dy gola.

Me paraqitjet e tij ka bërë që të shihet si një nga lojtarët më premtues për të ardhmen, duke i rritur mjaft vlerën kartonit të tij në treg. “CIES Football Observatory” ka publikuar së fundi një studim ku rendisin “thesaret” më të çmuara të 5 kampionateve më të forta të Europës. Në listë përfshihen vetëm ata lojtarë që kanë lindur pas vitit 2000 dhe nuk kishte sit ë mungonte as emri i Kumbullës.

Në Serie A 20-vjeçari shqiptar e sheh sipër tij vetem Dejan Kulusevskin e Juventusit, që ka një vlerë në treg prej 75.1 milionë euroë, ndërsa mbrojtësi i Kombëtares kuqezi vlerësohet me 21.6 milionë euro. Ndërkohë në renditjen e të 5 kampionateve më të forta të Europës, Kumbulla përfshihet në top 30, më saktësisht i 27-i, ndërsa lista kryesohet nga Dejvis i Bajernit të Mynihut dhe podiumi plotësohet me Xhejdon Sançon e Ansu Fatin./Halit Delibashi-Sport Ekspres/

You might also like
Leave A Reply

Your email address will not be published.