Luiza Gega vazhdon të bëjë krenarë shqiptarët. Atletja 34-vjeçare korr një tjetër sukses, këtë herë në Kampionatin Ekipor Europian të Atletikës, i cili po zhvillohet në Krakovë të Polonisë. Sportistja shqiptare ka fituar garën e 3000 metrave me pengesa me kohën 9:17.31.
Kjo është fitorja e 11 e Luiza Gegës në histori, duke barazuar kështu edhe rekordin për numrin më të lartë të fitoreve në Kampionatin Ekipor Europian të Atletikës. Sukseset nuk kanë fund për Gegën, që edhe një herë tjetër ngre lart flamurin kuqezi./Halit Delibashi-Sport Ekspres