Kristian Asllani nuk ka marrë minutat e merituara sezonin që shkoi, megjithëse askush nuk ka dyshime për nivelin teknik dhe aftësitë e tij. Nisur nga besimi i pakët i dhënë nga Inzaghi, hipotezat për një largim të mundshëm, qoftë edhe në huazim, janë prezente. “Tuttosport” raporton se Asllanin e kërkojnë në Premier League.
Trajneri i Brighton-it, De Zerbi, ka takuar kokë në kokë drejtorin sportiv të Interit, Ausilion. Mësohet se emri i mesfushorit shqiptar është përmendur në tryezë për një transferim në Angli. Brighton-i e mbylli sezonin që lamë pas në vendin e 6 në renditje dhe shkaktoi jo pak befasi me futbollin e zbatuar në fushën e lojës./Halit Delibashi-Sport Ekspres/