“Kosova” e Prishtines ka fituar turneun “Fadil Vokrri” në futboll për femra që u zhvillua në Gjilan të Kosovës. Dy herë e pafat, në short dhe te penalltitë , “Tirana AS” është mënjanuar në ndeshjen e parë nga ky ekip, vetëm pas penalltisë së gjashtë shtesë.
Përfaqësim dinjitoz, kur ekipit i mungonin 4 titullare. Të grumbulluara nga Kombëtarja U-19. Në aktivitet ku morën pjesë edhe “Intelektualet” vendase dhe miket nga Tetova, ishin të pranishme edhe autoritetet vendore, djali i legjendës Vokrri si dhe ambasadori ynë në Prishtinë Qemal Minxhozi.
“Tirana AS” mori ftesa paraprake edhe për dy aktivitete të tjera në Kosovë, brenda këtij viti. Ky ishte aktiviteti i parë zyrtar që zhvillohet pas ndarjes nga jeta të legjendës së futbollit shqiptar Fadil Vokrri.