Kombëtarja shqiptare luan sot një nga ndeshjet më të rëndësishme të grupit E. Kuqezinjtë përballen me Republikën Çeke, duke nisur nga ora 20:45. Ashtu siç ka ndodhur gjithmonë, Kombëtarja bën bashkë të gjithë shqiptarët, e këtu nuk bëjnë përjashtim as politikanët.
Megjithëse raportet mes dy qeverive shqiptare, të Shqipërisë dhe Kosovës, nuk kanë qenë në pikën më të mirë të mundshme kohët e fundit, Kurtin dhe Ramën i bën bashkë ekipi kombëtar. Sipas “Supersport”-it, kryeministri i Republikës së Kosovës, zoti Albin Kurti do të jetë i pranishëm në “Air Albania” për ta ndjekur nga afër Shqipërinë./Halit Delibashi-Sport Ekspres/