Ditën e sotme “Abissnet Superiore” nis përsëri aksionin në fushën e lojës. Dy ndeshjet e para të javës së 25 do të zhvillohen në orën 16:45. Është pikërisht klasikja e futbollit shqiptar ajo që i uron mirëseardhjen javës së 25 të kampionatit. Pas një ndeshjeje të zjarrtë si derbi i kryeqytetit, Tiranën e pret një tjetër ndeshje për kartolinë, ajo me Vllazninë.
Kuqeblutë hyjnë në “Loro Boriçi“ për të marrë tre pikë mjaft të vyera për rrugëtimin drejt Europës. Ndërkaq bardheblutë nuk duan të lënë më tepër pikë në kampionat, në mënyrë që të mos i japin mundësinë Laçit t’i afrohet. Nga ana tjetër, Partizani do të masë forcat me Egnatian. Rrogozhinast luajnë për të siguruar mbijetësën, ndërsa të kuqtë tashmë po i shkojnë gjithnjë e më afër zonës europiane./Sport Ekspres/
16:45 Vllaznia – Tirana
16:45 Partizani – Egnatia