Milani humbi me shifrat 0-2 kundër Interit në gjysmëfinalen e parë të Champions League. Shanset e Milanit duken shumë të vogla për të shkuar në finale, megjithatë, ish-mesfushori i kuqezinjëve, Demetrio Albertini mendon se ka ende gjasa për ta dërguar rrugëtimin në fund.
“Do të jetë e vështirë që të vijë përmbysja, shumë e vështirë, por jo e pamundur. Interi është më i fortë se Milani. Ai e tregoi këtë në të gjithë derbitë. Por kini kujdes, Interi mund të jetë superiorë, por jo i pamposhtur. Të gjithë derbit kanë parë raste edhe të dobësisë që janë shfaqur, Milani duhet të përfitojë”, tha Albertini. /Sport Ekspres/