Shkëndija është larguar nga Champions League pas një humbjeje 5-0 kundër Mura-s. Kampionët e Sllovenisë nuk e patën aspak të vështirë për të mposhtur kuqezinjtë e Tetovës, për këtë arsye në Maqedoninë e Veriut kanë nisur menjëherë sulmet për skuadrën edhe Ernest Gjokën. Duke harruar sezonin fantastik të zhvilluar në kampionat dhe ndoshta me imazhin e kreut të tabelës të plotësuar nga ekipet shqiptare në mendjen e tyre, fqinjët lindorë nuk kursehen aspak në fjalët e drejtuara klubit të Shkëndijës.
“Nëse kjo është më e mira e Maqedonisë atëherë atëherë ne me të vërtetë kemi arritur në fund të futbollit për klube. Ajo 0: 5 është disfata më e rëndë në historinë e klubit në futbollin evropian. Sigurisht, ne nuk i numërojmë ato 0: 6 në “San Siro” në Milano. Mura, nëse do të ishte me fat mund të kishte arritur 10: 0, 11: 0, kjo është sa shanse kishin djemtë bardh e zi, të cilët thjesht luajtën futboll. Kështu që mund të themi vetëm: Shkendja – Turp t’ju vijë! Dikush me të vërtetë duhet të përgjigjet për këtë.
Kjo është një humbje e dhimbshme dhe e turpshme jo vetëm për Shkendijën, por edhe për futbollin maqedonas në përgjithësi. Përsëri, dikush te Shkendija me të vërtetë duhet të përgjigjet për këtë. Për këtë, “kokat duhet të fluturojnë”, shkarkimet duhet të ndahen. Kjo nuk mund të vazhdojë. Shkendija sonte në Murska Sobota dukej si gjithçka, por jo klubi ynë më i mirë. Sllovenët u tallën me Shkendijen kur donin të tundnin rrjetën e Zahov. Të gjithë meritojnë kritika, natyrisht më së shumti stafi profesional”, shkruhet ndër të tjera në artikullin e “Sportmedia.mk” për paraqitjen e Shkëndijës kundër Mura-s./Halit Delibashi-Sport Ekspres/