Luka Modric është lojtari që impresionoi në këtë Botëror. Pavarësisht moshës së tij, mesfushori kroat ishte për notën 10 me mënyrën sesi luajti në këtë turne dhe energjinë që nuk i shteroi kurrë, duke i zhvilluar të gjitha takimet. Por cila do të jetë e ardhmja e Modric, a ishte ky “kërcimi i fundit” në Botëror?
Me siguri po! “Ky mund të jetë Botërori im i fundit, por nuk mund të them asgjë. Jam shumë i lumtur për aventurën time te Kroacia, kemi të ardhme të mirë përpara. Dua të qëndroj deri në Ligën e Kombeve, më pas do ta shohim”, tha Modric. /Elio Hajdari-Sport Ekspres/