Katër portierë për një vend! Mehmeti do të ketë hallë koke sa i përket zgjedhjes së portierit. Rexhepi, Teqja, Hoxha dhe Vogli kërkojnë të fitojnë vendin e titullarit. Ndërkohë në listën e lojtarëve që janë të gatshëm për ndeshjen e parë kundër Saburtalos në Gjeorgji, është vënë re mungesa e Federimit për Hoxhën.
Nuk bëhet fjalë për një largim të mundshëm, teksa Mehmeti ka sqaruar gjithçka në Supersport. Trajneri i Partizanit u shpreh se Hoxha është i dëmtuar dhe presidenti i të kuqëve i ka besuar përjetësisht. “Alban Hoxha mungon për arsye dëmtimi, presidenti Demi kontratën ia ka ofruar të përjetshme”, u shpreh Mehmeti. /Sport Ekspres/