Emocione të mëdha kanë ardhur edhe në Kategorinë e Parë, më saktësisht në grupin A. Korabi u ndesh kundër Dinamos dhe vendasit u ndëshkuan me dy kartona të kuq pasi Mziu dhe Dida lanë fushën e lojës përpara kohe. Deri në minutën e 74 kur Korabi nisi të luante me 9 lojtarë, po vendoste goli i Markut. Megjithatë Dinamo përmbysi shifrat në minutat e fundit duke marrë tre pikët e vlefshme në luftën për titullin kampion.
Tashmë kryeqytetasit renditen në vendin e dytë, me vetëm dy pikë më pak se Burreli. Këta të fundit arritën që të fitonin në shifrat 0-3 kundër Vorës në transfertës. Sa i përket ndeshjeve të Play-Out në grupin A, Oriku dhe Partizani B fituan përkatësisht kundër Besëlidhjes dhe Velecikut. /Sport Ekspres/
Kategoria e Parë, play-off grupi A
Korabi-Dinamo 1-2
Marku 58?/ Moustapha 82’, Alemida 82’
Kartoni i kuq: Mziu 58’, Dida 74’
Vora-Burreli 0-3
Raboshta 42?, Kurbneshi 78′ p, Takashi 83′
Kategoria e Parë, play-out grupi A
Oriku-Besëlidhja 1-0
Branica 17’
Veleciku-Partizani 0-2
Berdufi 33′, Zani 54’
