Kartoni i Manajt njeh vetëm rritje/ Sa shumë vlejnë 4 golat me Barcelonën, zbulohen shifrat e 3 ofertave për sulmuesin

0

Rei Manaj po prek një sukses të madh këtë verë. Sulmuesi shqiptar debutoi me fanellën e ekipit të parë të Barcelonës, ku shënoi menjëherë 3 gola. Statistikat e tij do të përmirësoheshin edhe më shumë pas miqësores së djeshme, teksa përsëri ia del të tundë rrjetën për skuadrën blaugrana.

Menjëherë kanë vërshuar ofertat në tryezën e Barcelonës. Kadiz, Famaliçao dhe Sasuolo janë skuadrat që janë të gatshme të paguajnë për të marrë shërbimet e Manajt. “Mundo Deportivo” zbulon edhe shifrat që ofrohen për të kryer këtë transferim, të cilat variojnë nga 3-5 milionë euro.

Katër golat e shënuar me fanellën e ekipit të parë të katalanasve vlejnë shumë në treg, pasi kartoni i futollistit të Kombëtares njeh vetëm rritje. Manaj erdhi në Barcelonë për vetëm 700 mijë euro, ndërsa tani vlerësohet të paktën 4 fish më shumë./Halit Delibashi-Sport Ekspres/

You might also like
Leave A Reply

Your email address will not be published.