Kamza bën lëvizjen e radhës, i merr mbrojtësin Turbinës

Kamza vijon nerkaton dhe sot ka bërë goditjen e radhës. Mësohet se Alken Agalliu është lojtari më i ri i Kamzës. Mbrojtësi ka nënshkruar për dy vite me ekipin e Ramadan Ndreut. 22-vjeçari afrohet nga skuadra e Turbinës së Cërrikut, ku është aktivizuar në 9 takime. Më parë Agalliu ka qenë pjesë e Akademisë Partizani, deri vjet kur provoi një eksperiencë të shkurtër te Sopoti B. Mbrojtësi tani do të ketë mundësinë që të tregojë vlerat e tij në Superiore.